ନୂଆପଡ଼ା : ( ସୁରେଶ ଦଣ୍ଡସେନା )
ନୂଆପଡା ଜିଲ୍ଲା କୋମନାବ୍ଲକ କାଣ୍ଡେତରା ଗ୍ରାମପଞ୍ଚାୟତ ସ୍ଥାନୀୟ ବଜାର ପଡିଆରେ ଆଜି ଛେଳି ବଜାର ର ଉଦଘାଟନ ହୋଇଯାଇଛି।ଏହି କାର୍ଯ୍ୟକ୍ରମ କାଣ୍ଡେତରା ଗ୍ରାମପଞ୍ଚାୟତ ଆନୁକୂଲ୍ୟରେ ଆୟୋଜିତ ହୋଇଥିଲା।ଏହି ଉଦଘାଟନ ଅବସରରେ ମୁଖ୍ୟ ଅତିଥି ଭାବେ ନୂଆପଡ଼ା ବିଧାୟକ ଜୟ ଢୋଲକିଆ ,ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଦସ୍ୟ ତଥା ବିଜେଡି ଜିଲ୍ଲା ସଭାପତି ଅବନୀ ରଞ୍ଜନ ଯୋଶୀ,କାଣ୍ଡେତରା ସରପଞ୍ଚ କଲ୍ୟାଣୀ ଦାଶ, ସିଆଲଟି ସରପଞ୍ଚ କାଳିଆ ପ୍ରଧାନ,ଠିକପାଲି ସରପଞ୍ଚ ସନ୍ତୋଷୀ ସୁନା,ସମିତି ସଭ୍ୟା ରାମବତୀ ଶବର,ଗଣ୍ଡାମେର ସମିତି ସଭ୍ୟ କେଶବ ନିଆଲ , ତାତୁରାମ ମଲ୍ଲିକ ଏବଂ କାଣ୍ଡେତରା ପୂର୍ବତନ ସରପଞ୍ଚ ବୃନ୍ଦାବନ ଶବର ଆଦି ପ୍ରମୁଖ ଯୋଗଦାନ କରିଥିଲେ। ତତ ସହିତ କାଣ୍ଡେତରା ବଜାର କମିଟି ର ଉପଦେଷ୍ଟା ମଣ୍ଡଳୀ,ବଜାର ପରିଚାଳନା କମିଟି ର କାର୍ଯ୍ୟକର୍ତ୍ତା, ଗଣ୍ଡାମେର ପଞ୍ଚାୟତ କାର୍ଯ୍ୟ ନିର୍ବାହୀ ମନଧର ବଗର୍ତ୍ତୀ, କାଣ୍ଡେତରା କାର୍ଯ୍ୟ ନିର୍ବାହୀ ଅଧିକାରୀ ଗିରିଧାରୀ ତାଣ୍ଡି,କାଣ୍ଡେତରା ଏଡିଇଓ ଜ୍ୟୋତ୍ସ୍ନାରାଣୀ ସାହୁ ଏବଂ ଅନ୍ୟାନ୍ୟ କର୍ମଚାରୀବୃନ୍ଦ, ସିଆରପି, ଏମ ବିକେ, ଇସି ମେମ୍ବର, ବୁଦ୍ଧିଜୀବି ଏବଂ ଜନସାଧାରଣ ଉପସ୍ଥିତ ଥିଲେ।ଦୁର୍ଗା ମଣ୍ଡପ ବଜାର ପଡ଼ିଆରେ ପ୍ରତି ଶନିବାର ଏହି ଛେଳି ବଜାର ବସିବ।ଏହି ବଜାର ଆରମ୍ଭ ହେବା ଦ୍ବାରା ଅଞ୍ଚଳ ର ଛେଳି ଚାଷୀ,ବ୍ୟବସାୟୀ ଓ କ୍ରେତା ମାନେ ବହୁତ ଉପକୃତ ହେବେ।ଏଣିକି ଛେଳି କିଣା ବିକା ପାଇଁ ଦୂର କୁ ଯିବାକୁ ପଡ଼ିବ ନାହିଁ। ସ୍ଥାନୀୟ ଅଞ୍ଚଳ ରେ ହିଁ ଉତ୍ତମ ଦାମ ରେ ଛେଳି କିଣାବିକା ହୋଇପାରିବ।ଏହା ଦ୍ୱାରା ଆର୍ଥିକ କ୍ଷେତ୍ରରେ ଉନ୍ନତି ହେବା ସହ ବ୍ୟବସାୟୀ ଓ ବିଭିନ୍ନ ସଂଗଠନ ର କାର୍ଯ୍ୟକର୍ତ୍ତା ସ୍ୱାବଲମ୍ବୀ ହୋଇ ପାରିବେ।ଏକତା ଓ ଭାଇଚାରା ର ଏକ ସେତୁ ଗଠନ ହୋଇପାରିବ।କାଣ୍ଡେତରାରେ ନୂତନ ଛେଳି ବଜାର ଉଦଘାଟନ ହେବା ଦ୍ଵାରା ଅଞ୍ଚଳର ଚାଷୀ, ଛେଳି ପାଳକ ଓ ବ୍ୟବସାୟୀମାନେ ବହୁ ଲାଭ ପାଇବେ।ଏଣିକି ଛେଳି ପାଳକମାନେ ଦଲାଲଙ୍କ ହାତରେ କମ୍ ଦାମରେ ଛେଳି ବିକିବାକୁ ପଡିବ ନାହିଁ। ଖୋଲା ବଜାରରେ ସିଧାସଳଖ କ୍ରେତାଙ୍କୁ ବିକ୍ରି କରି ଉଚିତ୍ ଦାମ୍ ପାଇପାରିବେ।ବଜାରକୁ କେନ୍ଦ୍ର କରି ଛୋଟ ଦୋକାନ, ଚା-ଜଳଖିଆ, ପରିବହନ ଓ ଶ୍ରମିକମାନଙ୍କ ପାଇଁ ନୂଆ ରୋଜଗାର ସୃଷ୍ଟି ହେବ।ଆଗରୁ ଛେଳି ବିକିବା ପାଇଁ ଦୂର ବଜାରକୁ ଯିବାକୁ ପଡୁଥିଲା।ଏବେ ନିଜ ଗାଁ ପାଖରେ ହିଁ ବଜାର ହେବାରୁ ଯାତାୟାତ ଖର୍ଚ୍ଚ କମିବ।ବଜାରରେ ଏକାଠି ହେବା ଦ୍ଵାରା ପଶୁ ଡାକ୍ତର, ଟିକାକରଣ ଓ ଛେଳି ପାଳନ ସମ୍ବନ୍ଧୀୟ ସରକାରୀ ଯୋଜନା ବିଷୟରେ ସହଜରେ ସୂଚନା ମିଳିପାରିବ।ସାପ୍ତାହିକ ବଜାର ଲାଗିବା ଦ୍ଵାରା କାଣ୍ଡେତରା ଓ ଆଖପାଖ ଗାଁର ଆର୍ଥିକ କାରବାର ବଢିବ,ଗାଁର ନାମ ମଧ୍ୟ ପ୍ରସିଦ୍ଧ ହେବ।ସ୍ଵୟଂ ସହାୟକ ଗୋଷ୍ଠୀ ଓ ଯୁବ ଉଦ୍ୟୋଗୀମାନେ ଛେଳି ପାଳନକୁ ଏକ ଲାଭଜନକ ବ୍ୟବସାୟ ଭାବେ ଆପଣାଇ ଆତ୍ମନିର୍ଭରଶୀଳ ହୋଇପାରିବେ।
